Vegna tekniskt arbeiði siglir Ternan ikki túrarnar klokkan 22 úr Havn og klokkan 22.20 úr Nólsoy í kvøld, mikudagin 6. august.
Tað eru boðini, sum liggja á heimasíðuni hjá Strandfaraskipum Landsins í dag.
Nólsoyingar eru ikki fegnir um hesi boð, og spyrja á facebook-síðum, "hvat hetta er fyri nakað, og hví annað skip - eitt nú Teistin - ikki verður settur í sigling um Nólsoyarfjørð í kvøld ístaðin?"
Meðan Teistin lá í vikur, tí skipið hevði borið við land í Hesti, røkti Ternan somu vikur farleiðina um Skopunarfjørð.
Tað man vera orsøkin til, at onkur í Nólsoy, nú Ternan ikki siglur í kvøld, spyr, hví Teistin ikki í staðin kann taka túrin um Nólsoyarfjørð í kvøld.
