Eysturríki var liðið úr ovasta styrkisbólkinum, og Eysturríki var greiður favorittur hjá veddingarfyritøkunum, men sannleikin er, at eysturríkarar skulu vera fegnir um, at teir koma úr Føroyum við einum 30-28 EM-undankappingarsigri.
Føroyska liðið gav eysturríkarum ein skarpan gang allan dystin, og tað var ikki fyrrenn heilt móti endanum, at eysturríkarar fingu staðfest sigurin.
Verjan stríddist manniliga, og Óli Mittún gekk á odda í álopspartinum. Pauli Jacobsen bjargaði 11 av 40 málroyndum, og Nicholas Satchwell bjargaði einum brotskasti tá boð vóru eftir honum.
Føroyar – Eysturríki 28-30 (14-14)
Føroyar : Óli Mittún 7, Hákun West á Teigum 5, Teis Horn Rasmussen 4, Leivur Mortensen 4, Vilhelm Poulsen 3, Tróndur Mikkelsen 3, Pauli Mittún 1, Helgi H. Hoydal 1.
Eysturríki : Lukas Hutecek 8, Robert Weber 7, Mykola Bilyk 4, Boris Zivkovic 3, Sebastian Frimmel 2, Lukas Herburger 2, Elias Kofler 2, Tobias Wagner 1, Lukas Schweighofer 1.
Rumenia vann í okkara undanbólki 34-26 (18-14) á Rumenia á heimavølli.
Støðan er, at Eysturríki hevur fýra stig, Rumenia og Ukraina hava tvey stig, og Føroyar eru aftast við ongum stigi.
8. mars leika Føroyar móti Rumenia á heimavølli, og 11. mars verður leikt móti Rumenia á útivølli.
HER ber til at síggja ein samandrátt frá Eurohandball av dystinum millum Føroyar og Eysturríki:
##med2##
