Tað var einki at rafla um, tá ið VB/Sumba seinnapartin hevði vitjan av EB/Streymi. VB/Sumba vann 6-0 eftir 2-0 leiðslu í 1. hálvleiki.
Birgir Jørgensen skoraði trý mál við høvdinum. Tey bæði fyrstu í 11. og 29. minutti. Í fyrra førinum var tað eftir innlegg úr høgru og í seinna førinum eftir innlegg úr vinstru.
Pól Thorsteinsson økti til 3-0 fimm minuttir eftir steðgin. Talan var um fínt skot úr sekstan metrum og upp í hornið.
Jón Krosslá Poulsen átti sín lut í trimum teimum síðstu málunum. Hann legði innfyri úr høgru, og Birgir Jørgensen setti krúllin undir bóltin. Henning Joensen økti til 5-0 eftir somu uppskrift, og Jón Krosslá Poulsen staðfesti rimmar sigurin eftir stutt horna.
