Ítróttur
Tiltakið verður í Útvarpshøllini, og er endamálið við temakvøldinum at seta gongd á eitt kjak um Føroyskan úrvalsítrótt. Herundir:
-Hvør er støðan í dag?
-Hvat vilja vit?
-Hvussu røkka vit málinum?
Tríggir fyrilestrarhaldarar verða, og eru hesi Magni Mohr, sum júst hevur vart doktararitgerð innan ítróttarfysiologi, Katrin Olsen, sum í summar var partur av danska OL-landsliðnum í kappróðri, og Jón Bjarnason, sum er føroyskur landsliðsvenjari í svimjing.
Síðan fer eitt væl mannað panel, við umboðum fyri ítróttin, politisku skipanina og vinnulív, saman við uppleggshaldarunum og fundarfólki annars at kjakast um úrvalsítrótt í Føroyum.
Tiltakið er alment, og vónar Ítróttasamband Føroya at síggja nógv fólk við áhuga fyri ítrótti í Útvarpshøllini.
