Sjálvur sigur Heini O. Heinesen, at hann er ósamdur við sín egna flokk. Hann trýr ikki uppá, at vit kunnu regulera veiðitrýstið á henda hátt, tí flotin má minka eftir búskaparligum fortreytum, sigur hann.
Tjóðveldi hevur annars á landsfundi einmælt samtykt fiskivinnupolitikkin, sum tey sjey standa fyri, og tí viðganga tey sjey tjóðveldistingfólkini, at Heini O. Heinesen, sum gongur ímóti einum heilum flokki, er eitt problem.
Í Degi og viku í gjárkvøldið segði Høgni Hoydal, at tað langt síðani hevur fingið avleiðingar, at Heini O. Heinesen gongur ímóti flokkinum.
- Hetta kostaði CHE samgonguni lívið, og hetta bjargaði kanska sitandi samgongu. Men Heini O. Heinesen telur ikki við longur, tað vita øll, so tað var ikki trupulleikin í dag, segði hann.
Høgni Hoydal heldur tí, at stóri trupulleikin í tinginum í gjár var, at Sjálvstýrisflokkurin atkvøddi saman við samgonguni - og harvið bjargaði samgonguni.
