Sambært Manchester Evening News, so verður svenski stórspælarin, Zlatan Ibrahimovic at finna í ensku Premier League komandi kappingarár.
Sambært blaðnum hugsar Zlatan um at enda fótbóltsyrkisleiðini í USA, Katar ella Kina, men áðrenn tað vil hann sleppa at spæla í ensku Premier League, og sambært Manchester Evening News, so liggur tað í kortinum, at Zlatan tekur eitt ella tvey kappingarár á liðnum hjá Manchester United.
Sambært enskum miðlum heldur gamla danska málmanslegendan hjá Manchester United, Peter Schmeichel, at Zlatan Ibrahimovic er, sum skaptur fyri Manchester United.
