##med2##
07 Vestur hevur í kvøld framt eitt satt bragd í kappingini um Løgmanssteypið, við at spæla javnleik 1-1 móti HB í 120 minuttir. Tað rakk akkurát ikki í brotssparkskappingini, har avgerðin fall, tá 07 Vestur rakti tvørstongina.
Teitur M. Gestsson hevði ikki nógv at gera í málinum hjá HB, men hann mátti alíkavæl í netið eftir bóltinum í seinna hálvleiki, tá Ragnar Weihe skoraði til 1-1. Eftir 120 minuttir varð farið til brotssparkskapping, har HB vann 5-4.
Hoyr brotssparkskapping og samrøðu við Teit M. Gestsson við at trýsta á pílin undir myndini
Klaksvíkingurin í málinum hjá HB hevur fyrr í ár bjargað týdningarmiklum brotsspørkum, men hesa ferð bjargaði hann ikki. Hinvegin, so sokraði hann upp á brotsspark og tað var nokk, tá 07 Vestur sendi fyrstu royndina í tvørtræið.
- Tú følir teg eitt sindur vánaliga ein slíkan dyst, har hin málverjin hevur nógvar bjargingar og tú ongar hevur. Tá eg ikki kann bjarga einum brotssparki, so má eg skora upp á brotsspark, sigur Teitur M. Gestsson, ið ásannar at teir fingu ein uppsang.
- Nú haldi eg tað seinasta av FM-rúsinum er farið av okkum. Hetta er tó eisini eitt týðandi stig at taka, men vit fingu ein uppsang, sigur Teitur M. Gestsson.
HB skal nú møta NSÍ í hálvfinaluni.
Brotssparkskapping: (07 Vestur fyrst)
0-0: Pedrag Jeremic sendir bóltin í tvørtræið
0-1: Mathias Nygaard
1-1: Sølvi Egilsson
1-2: Øssur Dalbúð
2-2: Jóannis á Steig
2-3: Adrian Justinussen
3-3: Martin Tausen
3-4: Teitur Matras Gestsson
4-4: Zoran Vuovic
4-5: Daniel Johansen
##ms##
