Stay Under The Stars hevur fingið sera góð ummæli í Danmark, og hetta sæðst nú eisini aftur í sølutølunum. Hetta er, so vítt sum vit á planet.fo vita, fyrstu ferð at ein føroysk fløga liggur ovast á einum donskum søluhittlista. Enn er almenni danski hittlistin fyri samlaðu søluna í øllum handlum og alnetportalum ikki almannakunngjørdur fyri farnu vikuna, men spennandi verður at síggja, hvussu tað fer at hilnast hjá Teiti á honum.
