Týskvøldið var aftur galið við Teistanum, og enn eina ferð biðja sandoyingar um eina frágriðing Týskvøldið varð strandfaraskipið Teistin lagt fyri tekniskt brek, og fólk sluppu ikki um Skopunarfjørð fyrr enn langt út á náttina.
Brandur Sandoy, borgarstjóri á Sandi heldur ikki tað kann góðtakast, at Teistin verður lagdur eina ferð um vikuna. Í heilum eru avlýsingar vegna teknisk brek, og báturin liggur svínabundin langa tíð. Hann sóknast eftir, at Strandferðslan tekur málið í størri álvara, tí sera trupult er at leggja sær avtalur og leveransur til rættis, tá ið eingin veit, um báturin siglir ella ei.
Hann setir tí landstýrismanninum í samferðslumálum nakrar spurningar.
Brandur Sandoy vil m.a. hava at vita, hvør orsøkin er til øll hesi brek, og hvat verður gjørt fyri, at brekini ikki skulu endurtaka seg.
- Hví verður ikki annar hóskandi bátur settur í sigling tá Teistanum hevur brek, og metir landstýrismaðurin tað er nøktandi, at Silja Star ella líkandi far røkir Sandoyarleiðina, tá Teistanum liggur vegna brek? Og hvørji stig ætlar landsstýrismaðurin at taka til tess at tryggja betri reglusemi á Sandoyarleiðini? spyr Brandur Sandoy, sum sóknast eftir meira kunning um avlýsingar.
