Annfinn Kalsberg, Jógvan við Keldu og Jákup Mikkelsen eru á fólkaflokslistanum í Norðoyggjum. Um eina viku verður 2. uppstillingarfundurin hjá Norðoya Fólkafloksfelag, men longu nú er greitt, at tey somu, kendu nøvnini ganga aftur.
Formaðurin í valfelagnum hjá Fólkaflokkinum í Norðoyggjum, Absalon í Buð, sigur við Norðlýsið, at løgtingsmenninir Annfinn Kalsberg og Jógvan við Keldu eru á listanum, og tað er býráðslimurin Jákup Mikkelsen eisini.
Mánakvøldið í næstu viku verður 2. uppstillingarfundur á Sjómannsheiminum í Klaksvík.
