Grønlendski landsstýrisformaðurin, Múte B. Egede, er í hesum døgum á almennari vitjan í Føroyum.
Fyrrapartin vitjaðu løgmaður og landsstýrisformaðurin Mjólkarvirkið Búnaðarmanna (MBM) í Hoyvík, umframt Havstovuna og Sjóvinnuskúlan.
Eftir døgurða fóru teir á fund saman í Tinganesi.
Her umrøddu teir millum annað, hvussu samstarvið millum Føroyar og Grønland kann styrkjast, eitt nú á fiskivinnuøkinum.
- Báðir vóru teir samdir um, at samstarvið millum londini eigur at styrkjast, veit løgmansskrivstovan at siga í dag.
Í morgin skulu Múte B. Egede og løgmaður, Bárður á Steig Nielsen, eitt nú vitja Hondbóltssambandið og løgtingið.
