Gestirnir úr Klaksvík vunnu seg fram um í fyrsta álopinum, men síðan runnu teir bara aftaná.
Tað verður eisini uppgávan hjá Team Klaksvík í hesum kappingarárinum. At renna aftaná.
Fyrstu fýra landskappingardystirnir benda ikki á, at klaksvíkingur fara at standa hinum liðunum kurl yvirhøvur. Men ábyrgdarmenninir hava eisini gjørt greitt, at liðið er í fyrsta umfari við fyri at læra.
StÍF vann 32-19. Hálvleiksstøðan í høllini á Skála var 15-7.
Jørmund Joensen, StÍF, var mest eyðsýndur. Hann stóð fyri átta av málunum hjá heimaliðnum.
