Kambsdalur verður staðurin, har ungdómurin og dansifróð fólk annars fara at leita sær 2. jólakvøld. Sum skilst so verður tað har, at einasta stóra dansitiltakið í oynni verður.
Og til høvið hava fyrireikararnir fingið Prix Føroyar vinnararnar Taxi at spæla. Haraftrat fer Lena Anderssen at upptraðka sum gestur við nøkrum løgum.
Hetta er eisini fyrstu fer í longri tíð, at Taxi vera fullmannaðir. Jón McBirnie hevur verið uttanlands í arbeiðsørindum síðani í heyst og Magnus Johannessen hevur eisini verið í Danmark og spælt seinasta mánaðin.
Kaj Johannesen og frontmaðurin Kim Hansen hava spælt nakað til smærri tiltøk við skiftandi manning seinastu tíðina.
