Føroysku fótbóltsspælararnir, sum í hesi vikuni hava verið í Leipzig í Týskalandi, og sum í dag koma aftur til Føroya, vóru sera vónbrotnir og harmir í fyrrakvøldið. Seinnapartin høvdu teir spælt fjórðingsfinalu í 100 ára jubileumskappingini hjá týska fótbóltssambandinum, og tað spældi ikki væl av.
? Spælararnir vóru ógvuliga vónbrotnir, tá teir eftir brotssparkskapping høvdu mist møguleikan at halda fram í kappingini. Og eg skilji teir væl. Eg haldi, at slovakiska mótstøðuliðið ? tað kallast BSK Bardejov ? ikki var so gott, sum tey bæði liðini, sum vit frammanundan høvdu vunnið ímóti. At okkara spælarar ikki megnaðu at vinna í vanligu leiktíðini komst partvís av, at teir misnýttu tríggjar góðar møguleikar og partvís av, at tað sást aftur í avrikinum, at teir bara høvdu hvílt í góðar tveir tímar síðani seinasta dyst, meðan mótstøðumenninir høvdu hvílt í fimm tímar. Hetta var harmuligt, men tað er einki at gera við tað. Nú koma spælararnir heim aftur til Føroya at venja og spæla, og so síggja vit fram til týdningarmiklu avbjóðingina, sum tað verður, tá vit í oktober skulu til Italia at spæla í EM undankapping ímóti Italia, Onglandi og Andorra.
Hetta segði Jógvan Martin Olsen úr Leipzig fyrrapartin í gjár. Tá tóktust spælararnir, sum venjarin heldur vera sjáldsama nógv eyðkendir av viljanum at vinna, ikki komnir rættuliga fyri seg eftir vónbrotið.
Í fyrrakvøldið fór føroyska ferðalagið av tjaldplássinum, har teir høvdu hildið til, og í bleytar sengur á einum gistingarhúsi, og har høvdu teir møguleika at hvíla seg.
Dystargongdin
Eftir tvær ferðir ein málleysan hálvan tíma varð spælt tvær ferðir tíggju minuttir, men tað stóð framvegis á jøvnum.
So var neyðugt við brotssparkskapping, og tá vann BSK Bardejov 6?5. Eftir at báðir partar høvdu havt fimm royndir í part úr ellivu metrum, stóð tað á jøvnum 4?4. Føroyingar misnýttu fyrsta sparkið, og slovakarnir misnýttu fjórða sparkið. Sjeyndi føroyingurin misnýtti, og tá sjeyndi mótstøðumaðurin hevði skorað, var tað greitt, at føroyska liðið onga framtíð hevði í hesi kappingini.
Teir, sum skoraðu í brotssparkskappingini, vóru Bjarni Jørgensen, Símun Joensen, Hjalgrím Elttør, Vagnur Mohr Mortensen og Hanus Eliasen. Atli Danielsen átti fyrstu føroysku royndina, og Gilli Haraldsen átti síðsta føroyska sparkið.
Føroyska manningin var tann sama, sum hon var í so at siga allari kappingini: Pól Næs Joensen, B36 ? Jann Ingi Petersen, B68, Vagnur Mohr Mortensen, HB, Jón Rói Jacobsen, HB, Áki Leitisstein Hansen, NSÍ ? Gilli Haraldsen, Haderslev, Hjalgrím Elttør, KÍ, Símun Joensen, liðformaður KÍ, Elfinn Ørvarodd, FS Vágar ? Bjarni Jørgensen, HB, Fróði Jóanesarson, NSÍ.
Atli Danielsen úr KÍ avloysti í 40. minutti Áka Leitisstein Hansen, og í 42. minutti avloysti Hanus Eliasen úr ÍF Fróða Jóanesarson.
jhnskt, áðrenn tær kundu dømast, tí tað varð sagt, at eingin próvdómari í biologi og samfelagsfrøði, sum skilti føroyskt, var tøkur.
Teir næmingarnir, sum fóru til próvtøku í biologi og samfelagsfrøði, skuldu, tá teir settu seg við próvtøkuborðið, skriva undir uppá, at teir heimilaðu, at uppgávurnar vórðu umsettar til danskt, áðrenn tær vórðu dømdar. Av umleið 35 næmingum vildu tólv næmingar ikki skriva undir, og tískil fingu teir einki prógv, men eina váttan um, at teir høvdu gingið á skúlanum í trý ár, at teir høvdu fingið øll próvtølini uttan í skrivligari biologi og samfelagsfrøði, og tískil ikki høvdu staðið royndina.
Stórar broytingar
Jógvan Jespersen staðfesti, hvussu stórar broytingarnar hava verið hesa síðstu fjórðings øldina. Nú verður tosað og skrivað á føroyskum, og nú snúgva uppgávurnar seg um føroysk viðurskifti. Tað gjørdu tær ikki í 1975.
Tað árið var heitið á skrivligu uppgávunum í biologi ikki serliga vinarligt móti føroysku næmingunum. Teir skuldu Give en økologisk beskrivelse af en dansk løv? eller nåleskov. Og teir skuldu anføre nogle sandsynlige konsekvenser med hensyn til frøens biologi i Danmark.
Hetta sigur okkum, at talan ikki bara var um ein danskan skúla, tá tað snúði seg um málið, men eisini um innihaldið.
Ivaleyst setur danska undirvísingarverkið framvegis sín dám á føroysku miðnámsútbúgvingarnar. Og ivaleyst verður gongdin í framtíðini tann, at útbúgvingarnar fara at gerast alt meiri altjóða kendar, men tað er einki at ivast í, at á summum økjum hevur tað gingið rætta vegin síðstu fjórðings øldina.
? At næmingarnir ofraðu prógvið fyri móðurmálið tykist ikki hava skaðað útbúgvingar? og virkisleiðina. Próvleysu næmingarnir síggjast aftur nógva staðni í samfelagnum, og tveir teirra hava verið valdir inn á ting fyri sambandsflokkin, segði Jógvan Jespersen, sum harvið vísti til Bjørn á Heygum og Marius Dam.
Hugnalig samvera
Í fjósinum hjá Føroya Ríðingarfelag í Havnardali fingu luttakararnir ábit eftir túrin í Reynsmúlalág.
? At ganga niðan á Reynsmúlalág og aftur í fjósið hjá Ríðingarfelagnum var eingin trupulleiki hesa ferð. Men spurningurin er, hvussu tað fer at verða, tá vit fara at halda hálvt hundrað ára dagin, helt ein av luttakarunum.
Í Hoydølum var veitsla seinni um kvøldið. Tað var dýrdarveður, og skipað var fyri myndatøku uttanfyri skúlan ? akkurát sum fyri 25 árum síðani. Næmingarnir stóðu og sótu í somu røð, sum teir sótu og stóðu tá, men onkur helt fyri, at beinkirnir tóktust eitt sindur tódnaðir!
Undir borðhaldinum vóru fleiri røður. Fýra lærarar vóru møttir. 87 ára gamla Daniella Olsen, sum vísti seg at vera sera væl fyri, og so tær yngru Katrin Thomassen, Inge Flø Jørgensen og Jette Hoydal. Jette mintist í síni røðu aftur á, at hesin árgangurin var tann fyrsti, sum hon undirvísti í Hoydølum. Nú er tað næsta ættarliðið, sum fær málsliga undirvísing, og sum tað verður roynt at læra upp til ábyrgdarfullar og sosialt medvitandi samfelagsborgarar.
Dýrdarveðrið gjørdi, at tað bar til at hugna sær bæði inni og úti. Eitt orkestur spældi, og tá tað leið nakað út á náttina, fór Sámal Ravnsfjall á pallin og sang um medistaran í karry.
Nakrir fáir næmingar høvdu ikki umstøður at vera við leygardagin. Fyri tey, sum hittust, var talan um ein framúr hugnaligan dag. Onkrir floksfelagar høvdu ikki hittst hesa síðstu fjórðings øldina. Semja var um, at so long tíð skal ikki renna, áðrenn tað næstu ferð verður skipað fyri felags samveru.th;ur uppaftur neyðugari í einum føroyskum sjálvberandi fiskivinnubúskapi.
Við tøkk fyri upptøkuna.
Egil Olsen - fiskivinnufrøðingur
Myndatekstur (Mynd av Egil Olsen)
Vit sóu í kreppuárunum, hvussu alt samfelagið ávirkaðist av tí negativu gongdini í fiskivinnuni og vit síggja í dag, hvussu alt samfelagið ávirkast av tí positivu gongdini í fiski- og alivinnuni.Ì eini tíð, har fría kappingin ræður og har broytingarnar henda skjótari enn nakrantíð, er tað sera umráðandi altíð at vera kappingarførur mótvegis kappingarneytunum. Hetta krevur gransking, sigur Egil Olsen, fiskivinnufrøðingur, sum her roynir at birta uppundir kjak um føroyska fiskivinnugransking
