Johan Mortensen, Valevni hjá Tjóðveldi
----
Tað er ikki lætt at síggja, men hjálagda mynd er ikki ein mynd av einari tanks forðing frá Seinna Heimsbardaga . Hetta er høvuðsgøtan í Tórshavn. Tað er ófatuligt at hetta skrímslið av einari gøtu ikki verður fríðkað um. Fáið hasi jørnini burtur, fáið betongið burtur, fríðkið hasi ljótu húsini ella takið tey burtur, flytið skulpturin burtur til meira hóskandi stað og lat okkum so fáa bilarnar burtur um somu leið. Miðbýurin og Vaglið eru í dag ein ljót asfaltoyðimørk har hvørki fólk ella handilslív kunnu trívast.
Tjóðveldið vil fáa lív aftur í Miðbýin, tað er ikki torført um vilji og kreativitetur er til staðar. Ein livandi, barnavinarligur, vakur, hugnaligur miðbýur, uttan bilar, sum karmur um eitt blómandi handilslív og kreativa frítíð er endamálið.
