Eitt tangaskip, sum eitur Oratank, og sum grønlendska felagið Polar Oil hevur leigað, fór í nátt á land við Aasiaat. Grønlendska kringvarpið sigur, at skipið slapp sjálvt avaftur, og sambært løgregluni er eingin oljuleki staðfestur.
-Tað er hol á skipinum, men tað lekur ikki olju, sigur ein talskvinna hjá løgregluni við KNR. Sagt verður, at sjógvur kemur í skipið, men at pumpurnar klára at halda tí lens. Skipið liggur nú fyri akkeri við Aasiaat, har kavarar skulu kannað skaðan.
11 fólk eru við Oratank, og eingin teirra fekk skaða av hendingini, sigur KNR. Skipið siglir við benzini, tungolju og gassolju.
