Eitt tangaskip, sum hevur umleið níggju milliónir litrar av dieselolju í tangunum, er farið á land í tí arktiska økinum har norðuri í Kanada, og sambært Sky News er vandi fyri, at olja kann renna í havið.
Ein talsmaður fyri kanadisku sjóverjuna sigur við CBC News, at skipið stendur á einum sandrivi beint við eitt stað, sum eitur Gjoa Haven, og sum er í útsynning úr oynni King William Island. Talsmaðurin sigur, at enn er eingin olja at síggja á sjónum.
Tangaskipið, ið eitur Nanny, og sum felagið Woodward´s Oil, eigur, var á veg til fleiri bygdir í Norðurkanada við dieselolju, tá tað fór á sandrivið.
Óhappið hendi mikudagin, men myndugleikarnir frættu ikki um tað fyrr enn í gjár, sigur CBC News.
