Týsdagin kunngjørdi amerikanska herleiðslan í Afghanistan, at umleið 50 limir í Taliban vóru falnir í bardaga við amerikanskar hermenn. Sambært Reuter hevur eingin annar hevur váttað tíðindini, og diplomatar siga við tíðindastov-una, at eru tíðindini sonn, er tað bara ein staðfesting av, at Taliban-rørslan er farin at gera um seg av nýggj-um.
The New York Times skrivaði mánadagin, at nógvir Taliban-hermenn fáa venjing í Pakistan, sjálvt um pakistanska stjórnin alment hevur sett rørsluni forboð fyri at virka í landinum. Ein talsmaður hjá pakistansku fregnartænastuni segði við blaðið, at nógvir pakistanar hjálpa Taliban-hermonnunum, og hann helt, at rørslan er eini 50 prosent sterkari í dag enn fyri bara einum ári síð-ani. Sambært talsmanninum er rørslan so sterk í summum pørtum av Pakistan, at teir almennu myndugleikarnir hava ilt við at hava tamarhald á viðurskiftunum har.
Amerikanskar keldur hava í seinastuni sagt, at Taliban er vorðið ein veksandi hóttan ímóti teimum amerikonsku hermonnunum í Afghanistan. Herfyri gjørdi hjálparfelagsskapurin Læknar uttan Landamark av at fara úr Afghanistan, tí tað er ikki nóg trygt at arbeiða har.
