Í løtuni eru 50 persónar sjúkir við koronu í Føroyum. Hetta er sambært hagtølunum á corona.fo lægsta talið av smittaðum í Føroyum í 2021. Millum jól og nýggjár blivu nógvir smittutilburðir staðfestir, og tann eina dagin vóru 66 fólk sjúk.
Tó vórðu tveir nýggir smittutilburðir staðfestir í gjár. Tað vísa nýggjastu tølini hjá Landslæknanum. Tilburðurnir eru partur av smittu, sum Landslæknin fylgir.
Í gjár vórðu 1.067 kanningar gjørdar, og allar kanningarnar eru liðugt greinaðar. Í alt eru 208.308 kanningar gjørdar.
Tilsamans hava nú 646 persónar fingið staðfest smittuna í Føroyum. Í alt eru 596 persónar staðfestir frískir aftur, og sostatt eru 50 persónar smittaðir í løtuni.
Tvey fólk eru í løtuni innløgd á Sjúkrahúsverki Føroya í sambandi við koronusmittu.
