Talið av fulltíðararbeiðsleysum er minkað við 225 fólkum síðan apríl í ár. Tað boðar Hagstovan frá í dag.
Arbeiðsloysið í apríl var tað størsta, síðan arbeiðsloysið av álvara tók dik á seg í seinna hálvári í 2008.
Í august vóru 71 færri fulltíðararbeiðsleys enn í juli. Arbeiðsloysisprosentið minkaði úr 5,7 prosentum niður í 5,5 prosent.
Árstíðarjavnaða arbeiðsloysisprosentið er minkað úr 6,0 prosentum niður í 5,8 prosent. Í august vóru 775 mannfólk og 658 konufólk, í alt 1440 fólk, arbeiðsleys.
