Eg fari at virka fyri teim málum, eg havi fráboðað og eru høvuðsmálini opinleiki, kapping og virðing.
Tann 28. januar, beint undan evstamarki fyri uppstilling, avgjørdi eg at bjóða meg fram til umboðsráðsvalið og 25 tímar seinni var seðil við uppstilling latin inn. Fleiri av valevnunum høvdu tá leingi fiskað og rikið veljarar, so greitt var, at avbjóðingin hjá mær at verða valdur fór at verða stór.
Tá eg setti meg í samband við fyritøkur, ið høvdu 10 atkvøður at ráða yvir, vísti tað seg eisini, at hesar longu vóru umbidnar og játtaðar ávísum valevnum.
Av valdu umboðunum eri eg tískil sannlíkt tann, ið hevur flest 1’ara atkvøður og harvið flestu tryggingartakararnar aftanfyri mandatið.
Á heimasíðu míni komi eg at kunna um virksemið í Umboðsráðnum og Ognarfelag Tryggingartakaranna, heimasíðan kemur eisini at verða broytt, so hon betur passar til endamálið.
Enn einaferð stóra tøkk fyri álitið.
Fylg við á heimasíðuni: HYPERLINK "http://www.bricksite.com/andrass/heim" www.bricksite.com/andrass
Andrass Skaalum
Limur í Umboðsráðnum fyri Ognarfelag Tryggingartakaranna
