Tað var nýtt met, tá ið Fípan Fagra við gentum fór um málið í Vestmanna. Tíðin var 04:59.33. So skjótt hevur eingin bátur við gentumanning áður róð 1000 metra teinin í Vestmanna.
Sigurin var greiður, tí tað vóru fleiri enn trý sekund aftur til næsta avbjóðaran. Fípan Fagra hevur vunnið allar fimm róðrarnar í ár, og harvið eru tær úr Klaksvík stórfavorittar at vinna FM heitið.
Einasti avbjóðarin í dag var Sævarmoy, sum eisini er báturin hjá Klaksvíkar Róðrarfelag. Sævarmoy legði seg eftir startspurtin á odda, og eina løtu var frástøðan aftur til Fípuna Føgru og Teistan eina hálva bátslongd. So munaðu tøkini hjá teimum umborð á Fípuni Føgru meiri, og áðrenn tað varð farið undir endaspurtin var eingin ivi um, at Fípan Fagra eisini í dag fór at vinna.
| 1 | Fípan Fagra (KRF) | 04:59.33 |
| 2 | Sævarmoy (KRF) | 05:03.02 |
| 3 | Teistin (AR) | 05:11.30 |
| 4 | Firvaldur (FSR) | 05:13.12 |
stavnur.fo
-
FM støðan
| 1 | Fípan Fagra (KRF) | 35 |
| 2 | Teistin (AR) | 27 |
| 3 | Firvaldur (FSR) | 26 |
| 4 | Sævarmoy (KRF) | 22 |
| 5 | Svanur (Skála) | 9 |
