Verandi føroyameistarnir úr B36 hava í løtuni beina kós eftir at endurvinna FM heitið.
B36 er fimm stig frammanfyri NSÍ á øðrum plássi, og sjey stig frammanfyri Víking á triðja plássi.
Sambært hagtølum fyri tey seinastu 10 kappingarárini, so talar nógv fyri, at B36 í ár fer at endurvinna Føroyameistaraheitið.
6 ferðir av 10 ferðum hesi seinastu 10 árini, hevur oddaliðið aftaná 20 umfør vunnið FM heitið.
Merkisvert er eisini, at seinastu fýra kappingarárini á rað, hevur liðið sum hevur ligið á odda aftaná 20 umfør eisini vunnið FM heitið.
Hagtølini síggja soleiðis út sambært www.faroesoccer.com :
2014: B36 á odda aftaná 20 umfør – B36 Føroyameistari
2013: HB á odda aftaná 20 umfør – HB Føroyameistari
2012: EB/Streymur á odda aftaná 20 umfør – EB/Streymur Føroyameistari
2011: B36 á odda aftaná 20 umfør – B36 Føroyameistari
2010: NSÍ á odda aftaná 20 umfør – HB Føroyameistari
2009: HB á odda aftaná 20 umfør – HB Føroyameistari
2008: EB/Streymur á odda aftaná 20 umfør – EB/Streymur Føroyameistari
2007: B36 á odda aftaná 20 umfør (Javnir í stigum við NSÍ) – NSÍ Føroyameistari
2006: EB/Streymur á odda aftaná 20 umfør – HB Føroyameistari
2005: Skála á odda aftaná 20 umfør – B36 Føroyameistari
