Tað var Joan Joensen í Klaksvík, sum fekk fulla plátu í gekka-spælinum í kvøld, og hon slapp at snara hjólinum, sum hon segði seg ikki hava roynt áður.
Høvuðsvinningurin var á 800.000 krónur, sum var í gula leypinum. Í reyða leypinum var ferðin til Karibisku oyggjarnar, og í bláa leypinum stórt gávukort frá Miklagarði.
Í fyrstu royndini steðgaði hjólið á 20.000 krónum, sum hon eisini hevði, áðrenn hon gjørdi fyrstu royndini, tá 20.000 krónur er minsti vinningur í gekka-spælinum nú.
Og sjálvandi royndi Joan Joensen eisini aðru ferð. Men, eisini hesaferð steðgaði hjólið á 20.000 krónum, og nú var heldur eingin meining í at gevast.
Í triðju og seinastu royndini gekk eitt vet betur, tó at hon ikki rakk teir stóru vinningarnar. Hesaferð steðgaði hjólið á 30.000 krónum, sum er ein góður vinningur.
- Tað er veldugt, tað er super - tað er deiligt, segði Joan Joensen, sum takkaði fyri og ynskti øllum einar góðar páskir.
