Nú veðurforsagnirnar eru so ringar, heita kommunur víða um landið á sínar borgarar um at taka upp leysar lutir.
Á fleiri kommunalum heimasíðun síggja vit slíkar áheitanir í dag, og tað eru eisini sløkkilið og Føroya Politi, sum heita á fólk um at taka upp tað leysa.
- Tað er ikki vandaleyst at senda fólk út til bjargingaruppgávur, og tí er best, at byrgt verður fyri, at skaðar henda, siga tey í Sørvágs kommunu í dag.
Sørvágs kommuna og Sørvágs Sløkkilið vísa eisini á, at tað er betri at vera fyrivarin enn eftirsnarin, nú veðurforsagnirnar eru so ringar.
