Teir seinastu tímarnar hava fjølmiðlar um allan heim víst mynd av tí 24 ára gamla Ryan Lanza og sagt, at tað var hann, sum myrdi 26 fólk í einum skúla í amerikanska statinum Connecticut í dag.
Men nú bendir alt á, at tað var yngri beiggi hansara, 20 ára gamli Adam Lanza, sum var tann veruligi drápsmaðurin. Tað siga amerikanskir fjølmiðlar í kvøld.
Sambært teimum komst mistakið hjá fjølmiðlunum av, at Adam Lanza hevði eitt samleikaprógv hjá beiggjanum uppi á sær, tá hann varð funnin deyður aftan á skjótingina í skúlanum. Sum skilst hevði hann beint fyri sær.
