27. umfar í fremstu eingilsku fótbóltsdeildini er hetta vikuskiftið. Í dag hava fimm dystir verið, ein er í kvøld, tríggir vera í morgin, og mánakvøldið verður sett punktum við einum dysti.
Í fýra av teimum fimm dystunum, sum vóru seinnapartin, endaði tað við heimasigri, og í einum føri endaði tað javnt. Tá hevði heimaliðið í síðstu løtu risa møguleika at skora sigursmálið, men Stoke misnýtti brotsspark.
Everton við Wayne Rooney og Theo Walcott á liðnum hevði vitjan av Crystal Palace, og tað var heimaliðið, sum vann tryggan 3-1 sigur. Øll málini vórðu skorað í seinna hálvleiki, og støðan var 3-0, tá ið gestirnir minkaðu um munin umvegis brotsspark.
Íslendigurin Gylfi Sigurðsson setti hol á.
Tað var nummar ellivu ímóti nummar tólv, tá ið West Ham hevði vitjan av Watford. Heimaliðið hevði ikki vunnið tríggjar tær seinastu ferðirnar. Watford hevði feskan 4-1 sigur ímóti Chelsea í viðførinum. Men í dag hilnaðist tað betri hjá West Ham, tí heimalilðið vann 2-0.
Burnley var á vitjan í Wales, har Swansea vann 1-0. Harvið var tað tíggjundi landskappinagardysturin á rað, at Burnley ikki vann fulla úrtøku. Swansea hevur vunnið úrtøku fimm tær seinatu ferðirnar og er nú klatrað fram á fimtanda plássið – tvey stig omanfyri strikuna.
Stoke hevði vitjan av Brighton, og tað endaði 1-1. Í evstu løtu hevði Stoke risa møguleika at skora sigursmálið, men heimaliðið misnýtti brotsspark.
Tíðliga seinnapartin vann Tottenham 1-0 á heimavølli ímóti Arsenal, sum harvið mest sum hevur mist møguleikan at vinna seg í europeisku meistarakappingina næsta summar. Tottenham hevur nú møguleika at vinna heiðursmerki.
Toppliðið Manchester City hevur klokkan 17.30 vitjan av Leicester City.
Tottenham – Arsenal 1-0
Everton - Crystal Palace 3-1
Stoke – Brighton 1-1
Swansea – Burnley 1-0
West Ham – Watford 2-0
Í kvøld
Manchester City – Leicester kl. 17.30
| 1 | Man. City | 26 | 22 | 3 | 1 | 74:19 | 69 |
| 2 | Man. Utd | 26 | 17 | 5 | 4 | 51:18 | 56 |
| 3 | Tottenham | 27 | 15 | 7 | 5 | 52:24 | 52 |
| 4 | Liverpool | 26 | 14 | 9 | 3 | 59:31 | 51 |
| 5 | Chelsea | 26 | 15 | 5 | 6 | 46:23 | 50 |
| 6 | Arsenal | 27 | 13 | 6 | 8 | 51:36 | 45 |
| 7 | Burnley | 27 | 9 | 9 | 9 | 21:24 | 36 |
| 8 | Leicester | 26 | 9 | 8 | 9 | 38:35 | 35 |
| 9 | Everton | 27 | 9 | 7 | 11 | 32:46 | 34 |
| 10 | Bournemouth | 26 | 8 | 7 | 11 | 30:37 | 31 |
| 11 | Watford | 27 | 8 | 6 | 13 | 37:47 | 30 |
| 12 | West Ham | 27 | 7 | 9 | 11 | 34:46 | 30 |
| 13 | Brighton | 27 | 6 | 10 | 11 | 22:36 | 28 |
| 14 | Crystal Palace | 27 | 6 | 9 | 12 | 25:42 | 27 |
| 15 | Swansea | 27 | 7 | 6 | 14 | 20:37 | 27 |
| 16 | Southampton | 26 | 5 | 11 | 10 | 28:38 | 26 |
| 17 | Newcastle | 26 | 6 | 7 | 13 | 24:36 | 25 |
| 18 | Stoke | 27 | 6 | 7 | 14 | 27:53 | 25 |
| 19 | Huddersfield | 26 | 6 | 6 | 14 | 19:46 | 24 |
| 20 | WBA | 26 | 3 | 11 | 12 | 21:37 | 20 |
Í morgin
Huddersfield – Bournemouth kl. 12.00
Newcastle – Manchester United kl. 14.15
Southampton – Liverpool kl. 16.30
Mánadagin
Chelsea – West Bromwich Albion kl. 20.00
