Í dag fer næstbesta fótbóltsdeildin í summarfrí. Hetta vikuskiftið er sekstanda umfar á skránni.
Fyrsti dysturin var í gjárkvøldið, tá ið teir næstbestu hjá HB høvdu vitjan av teimum næstbestu hjá NSÍ.
Tað endaði 3-3. Tað eru góð tíðindi hjá ÍF og B68, sum við sigrum í dag kunnu styrkja sína støðu í toppinum og harvið í strembanini at vinna uppflyting.
Støðutalvan sigur, at NSÍ hevur meiri enn tvífalt so nógv stig, sum HB hevur, og harvið vóru gestirnir favorittar. Á NSÍ liðnum vóru fleiri spælarar, sum eisini spæla á besta liðnum: Pætur Hentze, Petur Knudsen og Jann Benjaminsen.
Á HB liðnum var tað bara Daniel Johansen, sum regluliga er á besta liðnum.
Í dag eru hinir fýra dystirnir. Felags fyri ÍF og B68 er, at tey eru favorittar á útivølli – B68 á Sandi og ÍF í Hoyvík.
16. umfar
Fríggjadagin
HB – NSÍ 3-3 (3-2)
0-1: Jann Martin Mortensen 9.
1-1: Bjarni Brimnes 24.
1-2: Jann Benjaminsen 27.
2-2: Hans Jákup Annfinsson 36.
3-2: Aron Clementsen 43.
3-3: Petur Knudsen 62.
Ídag
Víkingur – Skála: Alex Troleis kl. 13.00
Giza Hoyvík – ÍF: Rani A. Skaalum kl. 14.30
B71 – B68: Bjarki Danielsen kl. 15.00
Suðringar – KÍ: Lars Müller kl. 15.00
