Tað tódnaði í toppinum, og tað tódnaði í botninum í kvøld, tá ið 5. umfar í Formuladeildini var á skránni.
HB er framvegis oddalið, men nú hevur EB/Streymur lagt seg undir liðina á HB. Sunnudagin spældi HB 0-0 á Toftum, og í kvøld var HB partur av málleysum javnleiki í grannauppgerðini ímóti B36.
EB/Streymur vann 3-1 á Víkingi, sum tykist hava ilt við at umseta møguleikar til mál. Hjá EB/Streymi kom tað illa við, at Egil á Bø í 1. hálvleiki noyddist at taka seg av vøllinum orsaka av vøddaskaða.
KÍ og B68 fingu ikki fulla úrtøku í 4 teimum fyrstu umførunum. Í kvøld eydnaðist tað bæði KÍ og B68 at vinna. Skála er nú aftast, og sandoyingar hava fingið toftamenn og klaksvíkingar undir liðina á sær á næstaftasta plássi.
Størsta dramaið var í Runavík, har Óli Hansen var dagsins maður. Hann skoraði øll trý NSÍ málini ímóti ÍF, sum misnýtti brotsspark í síðstu løtu.
NSÍ-ÍF 3-2 (0-1)
0-1: Nenad Zaric
1-1: Óli Hansen br
2-1: Óli Hansen br
2-2: Bartal Eliasen
3-2: Óli Hansen
EB/Streymur-Víkingur 3-1 (2-1)
1-0: Høgni Zachariassen
2-0: Arnbjørn Hansen
2-1: sjálvmál
3-1: Hans Pauli Samuelsen
HB-B36 0-0
Skála-B68 0-1 (0-1)
0-1: sjálvmál
KÍ-B71 2-1 (2-1)
0-1: Tummas Pauli Olsen
1-1 Rodrigo
2-1: Ovi Nysted
Støðan eftir 5 umfør
HB og EB/Streymur 11 stig
NSÍ 10 stig
B36 9 stig
ÍF 7 stig
Víkingur 6 stig
B71, KÍ og B68 4 stig
Skála 3 stig
6. umfar sunnudagin 4. mai
ÍF-B71
B68-KÍ
B36-Skála
NSÍ-EB/Streymur (mánadagin)
Víkingur-HB (týsdagin)
