– Hetta er tað besta, tú kanst fáa í flogbólti. Fyri tað fyrsta er hetta ein finala, og so eru nógvir áskoðarar og ein tættur dystur. Vit vildu gjarna vunnið 3-0, men hetta er eisini gott, sigur Jón Syderbø í Mjølnir.
– Vit trúðu upp á tað í dag, samstundis sum vit royndu at minka um feilirnar hjá hvørjum einstøkum. Í gjár hugsaðu vit ov lítið um dystin, men í dag avtalaðu vit, at vit ikki skuldu hugsa um dómararnar ella aðrar spælarar, men spæla okkara spæl.
Jón ásannar, at talan er um tvey jøvn lið, so tí heldur hann tað vera væl hugsandi, at eisini triðja finalan endar við einum fimmsettara.
– Men tað allarbesta hevði verið at vunnið 3-0, tí so sleppa vit skjótari heim, og so verður ballið betri, flennir fegni Mjølnir-spælarin.
