4. umfar í Formula deildini verður seinnapartin í dag. Tá eru fýra dystir á skránni. Tann fimti varð spældur fríggjakvøldið, tá ið Víkingur í fínum líkindum og við stórari mannfjøld kring vøllin í Sarpugerði vann 1-0 á meistarunum í NSÍ. Atli Gregersen skoraði málið í 63. minutti.
Seinnapartin í gjár ? meðan 1. deild spældi ? øtlaði hann veðrið, og í gjárkvøldið og í nátt hevur verið illveður. Í morgun er lotið framvegis frískt av vestri og útsynningi, men tað er einki at tosa um, tá ið sammett verður við, hvussu tað var í gjárkvøldið og í nátt. Seinnapartin verður roknað við hampuligum líkindum.
Sambært DMI forsøgnini fer vindurin at minka, sum tað líður út á dagin. Tað verður fyri tað mesta turt, men kanska okkurt ælið. Hitin liggur millum 5 og 9 stig.
4. umfar í dag klokkan 15:
ÍF-KÍ: Ransin Djurhuus
B36-EB/Streymur: Petur Reinert
B71-Skála: Rúni Gaardbo
B68-HB: Jens Petur Brattalíð
Víkingur-NSÍ 2-0 (fríggjakvøldið)
Støðan eftir trý umfør (Víkingur og NSÍ hava spælt fýra dystir)
HB 9 stig
EB/Streymur, B36 og NSÍ 7 stig
ÍF og Víkingur 6 stig
Skála 3 stig
B71 1 stig
KÍ og B68 0 stig
