Forsætisráðharrin í Luksenburg, Jean-Claude Juncker, sum eisini er formaður í Evruøkinum, heldur, at vinnulívið í evrulondunum er farið at ressast aftur, og at tað ringasta av búskaparkreppuni er farið afturum. Tað segði hann á fundi í Evropatinginum í Bruxelles í gjár.
Hann ávaraði tó ímóti ov stórum bjartskygni og segði, at hóast tað gongur tann rætta vegin nú, skal lítið til, at støðan kann versna aftur.
Harafturat er tað ein sannroynd, at støðan er ymisk frá landi til land, og at batin sæst seinni í summum londum, segði Juncker.
