Eitt tiltak fyri menn, sum hava ella hava havt prostatakrabba, verður mikukvøldið 13. januar í hølunum hjá Krabbameinsfelagnum á Grønlandsvegi 58 í Havn.
Hesin hjálparbólkur hjá Krabbameinsfelagnum hevur sum endamál at menn, ið hava ella hava havt prostatakrabba, kunnu hittast og stuðla hvørjum øðrum.
Mikukvøldið fer Johan Poulsen, yvirlækni í urologi, at halda fyrilestur um prostatakrabba og samskipan av urologi í Føroyum.
- Fundurin verður frá frá klokkan 19 til 21, og áhugaðir menn kunnu tekna seg á telefon 317959 ella umvegis teldupost kmf(at)krabbamein.fo, sigur Krabbameinsfelagið.
,
