Stóru próvtøkuna í Gundadali í dag megnaðu klaksvíkingar. Eftir tætta uppgerð og stóran intensitet, har tað vóru nærdystirnir, ið vóru meiri avgerandi enn vakurt fótbóltsspæl, vann KÍ 3-2 ímóti HB. Dystargongdin vísti, at hugburðurin og fysikkurin eru góð hjá toppliðnum. HB var frammanfyri bæði 1-0 og 2-1, men gestirnir svaraðu aftur og reistu seg so dyggiliga.
Súni Olsen varð skiftur inn miðskeiðis í seinna hálvleiki, og tað vísti seg at vera skilagóð avgerð. Hann átti hornasparkið úr vinstru, sum HB liðformaðurin Jóhan Troest Davidsen var so óheppin at stýra í málið til 2-2, og Súni Olsen átti sigursmálið, tá ið hann úr 23 metrum sendi bóltin upp um manngarðin og í HB málið.
Næsta vikuskifti verður sjómannadagur í Klaksvík, og tá verður møguleiki hjá mongu fótbóltshugaðu klaksvíkingunum og norðoyingum - teir sum búgva har norðuri og allir teir sum fara at vitja á sjómannadøgunum - at síggja FM favorittarnar spæla á heimavølli ímóti TB.
KÍ sigurin ber við sær, at KÍ aftur er fýra stig frammanfyri Víking, sum fríggjakvøldið vann 3-1 í Fuglafirði, og fimm stig frammanfyri NSÍ, sum vann 2-0 á Skála, har Klæmint A. Olsen staðfesti sigurin og harvið syrgdi fyri, at miðaltalið heldur. Hann hevur nú skorað tjúgu mál í tjúgu dystum!
B36 vann 1-0 á Svangaskarði, har Lukasz Cieslewicz, sum í dag var fremsti maður, skoraði einsamalla málið longu í fyrra hálvleiki.
HB tapið í Gundadali og B36 sigurin á Svangaskarði bera við sær, at B36 nú er á fjórða plássinum, sum ber europeiska luttøku við sær.
Alt talar fyri, at B68 er á veg niður í næstbestu deildina, og tað er nógv, sum bendir á, at tað er torført hjá AB at sleppa burtur úr niðurflytingar siropinum.
Í dag tapti AB 2-1 á útivølli ímóti TB, sum við sigrinum mest sum hevur tryggjað sær pláss í bestu deildini næsta kappingarár. Tað eru ellivu stig frá TB og aftur til AB.
Um eina viku fær AB vitjan av B68.
ÍF-Víkingur 1-3 (0-2)
0-1: Sorin Anghel 4.
0-2: Erling Jacobsen br 17.
0-3: Philip Djordjevic 82.
1-3: Dánjal á Lakjuni 85.
B68-B36 0-1 (0-1)
0-1: Lukasz Cieslewicz 25.
Skála-NSÍ 0-2 (0-0)
0-1: Betuel Hansen 71.
0-2: Klæmint A. Olsen br 87.
HB-KÍ 2-3 (1-1)
1-0: Rókur av Fløtum Jespersen 5.
1-1: Jóannes Bjartalíð br 25.
2-1: Ari Mohr Olsen 61.
2-2: Sjálvmál 80.
2-3: Súni Olsen 87.
TB-AB 2-1 (2-1)
1-0: Salmundur Bech 18.
1-1: Símin Hansen 24.
2-1: Albert Adu 30.
Støðan eftir 20 umfør
KÍ 47
Víkingur 43
NSÍ 42
B36 35
HB 34
ÍF 25
TB 20
Skála 17
AB 9
B68 7
21. umfar
Sunnudagin 21. august
KÍ-TB
Víkingur-Skála
NSÍ-HB
B36-ÍF
AB-B68
