Lagið er framúr í leguni hjá teimum í Norðdepli og Hvannasundi, sum í dag eru á Jóansøku, og tað man ikki vera minni gott í bygdunum við Hvannasund.
Í dag hevur Sundabáturin vunnið triðja av trimum FM róðrum í kappingini millum 6-mannaførini við monnum.
Kappingin var ógvuliga tøtt. Mest óvæntað var tað, at Fortuna úr Vestmanna átti besta startin, og at Fortuna leingi var heilt væl við í kappingini millum teir fremstu.
Tá ið alt kom til alt, vóru tað ? sum vanligt ? Sundabáturin og Tvørabáturin, sum kappaðust um sigurin. Stavn um stavn stríddu hesir báðir bátarnir seg um málið.
Tað var so mikið tætt, at tað var neyðugt hjá teimum á málinum fleiri ferðir at eftirkanna, áðrenn tað varð greitt, at Sundabáturin fyri triðju ferð í ár hevði vunnið, og at Tvørabáturin fyri triðju ferð í ár var komin næstfyrstur á mál.
Luftin fór heilt úr Fortuna í endaspurtinum, og á síðstu metrunum fóru bæði Riddarin og Gongurólvur framum Fortunu.
1 Sundabáturin 4.43.22
2 Tvørabáturin 4.43.24
3 Riddarin 4.47.24
4 Gongurólvur 4.50.19
5 Fortuna 4.53.06
6 Lómur 4.53.09
7 Rádni 4.55.10
8 Víkingur 5.01.00
9 Jarnbardur 5.03.07
1 Sundabáturin 21
2 Tvørabáturin 18
3 Riddarin 14
4 Gongurólvur 13
5 Lómur 7
6 Rádni 6
7 Fortuna 3
8 Jarnbardur 2
9 Víkingur 0
