? Eg kann bara siga, at til Gøtu er í hvussu so er ongin norsk króna komin enn.
Atli Hansen, reiðari í Gøtu, avsannar nú avgjørt pástandin hjá Jákup Sverra Kass, løgtingsmanni um, at Norðmenn eiga ein stóran part av føroyska nótaflotanum.
Jákup Sverri Kass segði hetta í viðtali við Sosialin í gjár í samband við eigaraviðurskiftini í nýggja línubátinum til Vágar og hann ávaraði ímóti, at sama gongd nú fór at verða í línuflotanum, sum tað hevði verið í nótaflotanum.
Men ein av reiðarunum á nótabátunum, Atli Hansen í Gøtu avsannar hesi tíðindi í dag.
Grovliga tikið til
? Hatta var nakað grovliga tikið til, heldur hann.
Hann sigur, at hann kann bara tosað fyri teir tríggjar bátarnar í Gøtu, Jupiter, Trónd í Gøtu og Finn Fríða.
? Og eg kann upplýsa, at tað er ongin norsk króna, hvørki so ella so, í nøkrum av hesum bátunum.
? Og eg ivist ikki í, at tað eru nakrir bátar afturat, sum norðmenn ikki eiga eitt oyra í.
Atli Hansen sigur, at tað er alment kent, at tað eru norsk áhugamál uppi í tveimum nýbygningum.
? Men so haldi eg, at alt er sagt, og tað eru bara tveir av átta.
Hann sigur, at sjálvur hevur hann fingið bjóðað norskan kapital í sítt virksemi, men hann hevur sagt nei takk.
Hann sigur, at teir eru nokk so nógvir eigarar, og teir hava sett eina æru í at eiga bátarnar sjálvir.
? Og so leingi, vit klára tað sjálvir, so leingi ætla vit at gera tað.
? So kemur einaferð norskur kapitalur uppí hjá okkum, verður tað av neyð.
Men hann viðgongur eisini hann ræðist hetta eitt sindur at lova útlendingum uppí.
? Lova vit teimum uppí, vita vit ikki reiðiliga um vit koma at varðveita tamarhaldið á støðuni.
? Eg haldi, at hetta er ov óroynt hjá okkum til at vit kenna avleiðingarnar.
Atli Hansen sigur, at hann sær eisini ein vanda í, at vit ræðið á fiskivinnuni um ov nógvir útlendskur kapitalur er uppí.
Hann vil ikki útgreina, hvussu hann heldur, at vit missa ræðið á f iskivinnuni.
? Men tað eru altíð ymsir mátir at útvega sær meiri ávirkan, enn ein hevur kapital til, sigur Atli Hansen heilt stutt.
