Tað var Jean Dimon á Tvøroyri, sum fekk fulla pláttu í gekka-spælinum í kvøld, men hann hevði fjarritara fyri seg, tá avgerandi slagið skuldi standa.
Høvuðsvinningurin var á 170.000 krónur, og Jean Dimon gjørdi av at deila upphæddina í teir tríggjar leyparnar við 60.000 krónum í hvørjum leypi.
Í fyrsta drátti steðgaði hjólið á 15.000 krónum, men maðurin á Tvøroyri gav fjarritaranum boð um at royna einaferð aftrat.
Og í øðrum drátti mundi tað veruliga eydnast. Hesaferð steðgaði hjólið á 12.500 krónum - og bert ein seym frá bláa leypinum.
Í triðja drátti var aftur nær við, at Jean Dimon gjørdist tær 60.000 krónurnar ríkari, tí hesaferð steðgaði hjólið eitt rúm frá reyða leypinum.
Men, tíverri eydnaðist tað ikki til fulnar í kvøld.
12.500 krónur gjørdist vinningurin hjá Jean Dimon í kvøld, og tá helt fjarritarin fyri, at hetta eru eisini góðir pengar at vinna.
