Í Egyptalandi hevur ein maður fingið trý ára fongsul fyri at hava yrkt nakrar tættir um landsins forseta, Hosni Mubarak Sambært dómstólinum vóru tættirnir so niðrandi, at maðurin fekk lógarinnar harðastu revsing.
Tann dømdi, Mounir Said Hanna Marzuq, hevur arbeitt hjá tí almenna, og tað var ein starvsfelagi hansara, sum kærdi hann til myndugleikarnar.
Egyptisku fjølmiðlarnir hava skrivað um málið, men eingin teirra hevur prentað nakran av tættunum um tann 81 ára gamla forsetan.
Sambært lógini kann tann, sum niðrar landsins leiðara, fáa fongsul úr einum samdøgri upp í trý ár.
