Tórunn Højgaard Ósá er sett í starvið sum námslektari í sjúkrarøktarfrøði á Fróðskaparsetri Føroya at byrja 1. januar 2018, boðar Fróðskaparsetrið frá.
Hon hevur drúgvar royndir innan føroyska heilsuverkið, seinastu fimm árini sum leiðandi sjúkrarøktarfrøðingur á psykiatriska deplinum. Hon varð útbúgvin cand. scient. soc í 2010 á RUC og sjúkrarøktarfrøðingur í 2001 á Sjúkrarøktarfrøðiskúla Føroya. Hon hevur harumframt royndir sum undirvísari og próvdómari á sjúkrarøktarfrøðideildini.
Setanin merkir samstundis, at ískoytisskeiðið í sjúkrarøktarfrøði, sum varð útsett fyrr í ár, kann byrja í januar 2018. Tey, sum søktu inn á ískoytisskeiðið í sjúkrarøktarfrøði í heyst, fáa í boði at taka skeiðið eftir nýggjár.
