Tórshavn og Jerusalem skulu verða vinabýir.
Tað halda tey í Miðflokkinum og tað fer flokkurin nú at virka fyri.
Hetta var eitt av evnunum, nú Miðflokkurin stillaði upp til Tórshavnar Býráð.
- Hóast vit ikki fingu umboð í Tórshavnar Býráð, ætla vit at arbeiða víðari við málinum, sigur Jenis av Rana, formaður í Miðflokkinum.
Hann sigur, at flokkurin fer nú at tosa við býráðið um málið.
Men ein annar møguleiki er at fáa føroyska Ísraelsfelagið at seta seg í sambandi við býarstýrið í Jerusalem um málið.
Jenis av Rana sigur, at tað er andaliga sálin í Miðflokkinum, sum leingist eftir einum vinabýarsamstarvi, sum hesum
- Ísrael hevur stóran týdning í Bíbliuni og bíblian tosar beinleiðis um, at sum kristin er tað okkara skylda at stuðla jødunum.
- Og stuðul okkara kunnu vit vísa við at havnin og Jerusalem gerast vinabýir.
Jenis av Rana sigur, at hann hevur nevnt hugskotið fyri politikarum, sum als ikki eru avvísandi.
