Millum nøvnini á sokallaða almenna listanum til býráðsvalið í Runavíkar kommunu, er Tórbjørn Jacobsen, sum eftir at hava roynt seg sum løgtingsmaður, landsstýrismaður og fólkatingsmaður, nú ætlar at royna kommunalpolitikk.
Fyrireikararnir vóru tiknir á bóli, tí yvir 200 fólk møttu til uppstillingarfundin í kvøld, sum var í kantinuni í skúlanum við Løkin í Runavík. Alt gekk eisini øgiliga skjótt fyri seg, tí sjálvur fundurin vardi bara í ein tíma ella so.
Almenni listin, sum í hesi setuni hevur átt sjey av 11 sessum í Runavíkar býráð, fevnir nú um alla kommununa, burtursæð frá Skála og Søldarfirði, ið plaga at hava egnar listar, tí oyndfirðingar møttu mannsterkir og fingu eisini eitt navn á listan.
Rodmundur Nielsen, fyrrverandi borgarstjóri, greiddi stutt frá kommunulógini, og so varð farið í holt við uppstillingina. Hon gekk skjótt og væl, so 15 valevni og 25 stillarar komu upp á listan, ið longu er latin inn:
· Magnus Rasmussen, Lamba
· Bjarni Kjeld, Saltangará
· Sæunn Ó. Hansen, Saltangará
· Arnfinn Langgaard, Saltangará
· Hallur Ellingsgaard, Oyndarfjørður
· Jónleyg Hammer, Runavík
· Terji B. Vestergaard, Saltangará
· Jens Marius Dalsgaard, Saltangará
· Niels Juul Kristiansen, Æðuvík
· Helgi L. Petersen, Rituvík
· Kári E. Jacobsen, Glyvrar
· Tórbjørn Jacobsen, Glyvrar
· Kristian Gaardbo, Runavík
· Hallur F. Hansen, Saltangará
· Hjalmar Juul, Lamba
