Verandi forsorgarlóg eggjar ikki fólki at giftast, heldur hinvegin. Tað vildi verið beinleiðis tápuligt at gift seg, hyggja vit eftir hvussu góðar treytir forsorgarlógin gevur ógiftum í mun til tey giftu. Talan er um ein grovan mannamun og lesa vit forsorgarlógina, so er ilt at síggja hví fólk skulu gifta seg í hvussu er áðrenn børnini eru vaksin
Tað er grein 2 í forsorgarlógini sum ger allan munin. Hon sigur, at ein hvør hjúnarfelagið hevur uppihaldssskyldu mótvegis hjúnarfelagnum, og tað vil siga, at áðrenn forsorgarlógin kann koma eini hjúnum til hjálpar, so skulu allar peningagoymslur verða tømdar.
Ørvísi er við teimum ógiftu, sum búgva saman. Her er einki dýnulyftarí um hvussu múgvandi fólk eru. Annar felagin í í ógifta paralagnum kann vinna milliónir um árið, meðan hin fær felagið kann ganga heima og ansa eftir børnunum, meðan hann fær kontanthjálp og sínar útreiðslur í parforholdinum goldnar frá tí almenna av skattgjaldarans krónum. Tað vil siga, at tað almenna kann rinda helvtina av SEV og oljurokningini hjá einum ógiftum pari, har annar felagin kann hava eina milliónaintøku, eitt nú ein vinnulívsmaður, ein stjóri ella ein skipari.
Grein níggju stykkið fýra í forsorgarlógini gevur vælbjargaðum ógiftum veldugar møguleikar at njóta almennar pengar, gera kommununar eitt nú ikki sína skyldu og bjóða hesum ansingarmøguleikar fyri børnunum. Spurningurin um moral nýtist slett ikki at koma upp at venda, tí lógin er so galant, at fólk sum slett ikki hava tørv á forsorgarhjálp, kunnu fáa hesa fullkomiliga lógliga bara tey eru "grádig" ella rættari gromm nokk.
Grein níggju stykkið fýra sigur: "Ydelse af hjælp forudsætter, at såvel den, der søger hjælpen, som ægtefællen i tilstrækkeligt grad har udnyttet sine arbejdsmuligheder. Dette kn f.eks. anses for godtgjort, når en forsørger ikke kan påtage sig indtægtsgivende arbejde på grund af pasning af børn og kommunalbestyrelsen ikke kan henvise anden pasningsmulighed"
Er talan um gift her, so so verður bara peningur útgoldin, so verður einki útgoldið eiga tey á bók, ella um annar hevur arbeiði. Er talan um ógift, so kann annar ganga heima og hin kann vinna óavmarkaðar nøgdir av peningi, uttan at hetta gongur útyvir almennu veitingina.
Myndatekstur:
Stórur munur er á hvussu gávumild forsorgarlógin er fyri gift og ógift foreldur.
