Bara tað, at verða vald út og soleiðis verða roknað millum heimsins bestu má sigast at vera stórhending í sjálvum sær.
At ein føroyingur nú taldist millum teirra, sum skuldi luttaka á hesi stevnu í Monaco, var ein heiður fyru tjóðina og mong mundu gleða seg til hesa løtuna 14. mei.
Fólkið fekk lut í løtuni.
Tað sum var hugtakandi og sera viðkomandi í øllum hesum sum hendi í Monaco, var, at SVF hevði fólk á staðnum.
SVF hevði eisini gjørt nakað burturúr, áðrenn Heidi og fylgi hennara fóru avstað
Mong mundu tey vera, sum í spenningi sótu frammanfyri skýggjan, tá Tórður Mikkelsen beinleiðis úr Monaco í Degi og Viku tann 14. mei greiddi frá.
Í Degi og Viku hóskvøldið 16. mei varð nógv gjørt burturúr og so aftur sunnukvøldi 26. mei har uml. 2 tímar vóru frá hátíðarhaldinum í Monaco.
Av hesum vóru ikki færri enn 20 minuttir um Heidi Andreasen og áhugaverdu ferð hennara.
Ein sera góð og hugtakandi sending, har Føroyar vóru umboðar í heimsklassa.
Ein sending, har løtan í Monaco varð flutt inn í hvørja stovu í landinum
Ein sending ,sum SVF eigur stóra tøkk fyri!
