Klaksvík:
Sum Sosialurin skilir, so koma tíðindafólkini higar at eygleiða. Og fara tey so at skriva um eitthvørt, sum tey halda vera áhugavert. Fyri einum tveimum árum síðani vóru tey í Suðuroy, og tá skrivaðu tey nógv áhugavert um oynna. Bæði gott og ringt.
Tá tey koma til Klaksvíkar fara tey fyrst at vitja millum annað Norðoya Fornminnissavn, Christianskirkjuna og frítíðarplássið úti í Grøv, áðrenn leiðin gongur til Viðareiðis, har tey skulu gista á Hotel Norð.
Leygardagin fara tey um tað viðrar við Alfa Pilot til Svínoyar, har ætlanin er at ganga úr bygdini á Svínoyar Eiði.
Síðani sigla tey runt um Fugloynna, áðrenn tey fara aftur til Hvannasunds. Hagani gongur leiðin við bussi til Kunoyar, har tey fara at vitja viðarlundina og kirkjuna.
Frá Kunoynni gongur leiðin við Alfa Pilot yvir á Syðradal ella Húsar á Kalsoynni og har frá við bussi norður til Mikladals og Trøllanes. Leygarkvøldið fara tey so at eta døgurða í Klaksvík.
Ferðalagið fer úr aftur Føroyum sunnudagin.
Tað er Norðoya Kunningarstova, sum hevur verið við til at fyrireika ferðina hjá Club Føroyar og at leggja skránna hjá teimum til rættis.
