Tí gav Framsókn løgmanni krakk

Til Sambandsflokkin

Tórshavn, 3. november 2011

Takk fyri fundin í morgun. Vit hava skilt niðurstøðuna á fund­inum soleiðis, at Sam­bands­flokkurin, áðrenn hild­ið verður fram við sam­gong­u­sam­ráð­i­ngunum, vil hava Fram­sókn at ganga við til at

A: Øll etisk/moralsk/religiøs mál ikki skulu verða viðgjørd í sam­gong­u­skeiðn­um, tvs. í evsta føri næstu fýra árini. Hetta kravið seta Sam­bands­flokk­ur­in og Fólk­a­flokk­ur­in sín­um sam­starvs­flokk­um í sam­gongu.

B: Rík­isveitingin verður ”tiðn­­að – soleiðis, at hon í fyrstu at­løgu hækkar umleið 200 mill og framyvir verður prís­tals­við­gjørd.

Vit skulu í hesum sam­bandi boða frá, at

Ad. A) Framsókn hvørki kann ella vil ganga við til, at eitt etiskt mál ikki kann fáa eina demokratiska viðgerð ella kann verða samtykt í ting­i­num orsakað av einum framm­an­undan avtalaðum veto. Hetta er beinleiðis í stríð við kjarnuvirði okkara við atliti til persónligt frælsi og eig­ur eftir okkara tykki ikki at koma fyri innast í ein­um nútíðar fólkaræði.

Ad. B) Framsókn er ein tjóð­skap­ar­lig­ur flokkur, sum metir stríðið fyri før­oysk­um sjálvbjargni at vera ein­astu gongdu leiðina fram móti eini menning av Før­oy­um. At prístalsviðgera rík­is­veit­ing­ina kann ikki verða sett upp sum fremsta og mest ult­i­mativa búskaparliga mál okkara. Tað gongur tvør­t­ur­ímóti beint ímóti stríðnum fyri sjálvbjargni.

Á fundinum í morgun skiltu vit, at bæði Sam­bands­flokk­urin og Framsókn ann­ars í stóran mun hava felags fat­an av tørvinum at loysa bú­skap­arligu avbjóðingarnar, sum liggja fyri framman. Ný­skip­anir skulu til. Um so er, at útgangsstøðið fyri sam­ráðingunum broytist við at­liti til tey bæði nevndu krøvini, ynskja vit sjálvsagt at taka virknan lut í sam­gong­u­sam­ráðingum.

Framsókn metir enn sum áð­ur, at tað er avgerandi neyð­ugt fyri menningina av landi og fólki okkara, at poli­tiska valdið fremur um­fatandi ný­skip­an­ir á fíggj­ar­liga øk­i­num (her­undir skatt­a­­øki­num), í fis­k­i­vinnununi, í komm­unala bygnaðinum, á pen­sións­øki­n­um og á fleiri øðrum økjum. Utt­an mun til, um vit eru í sam­gongu ella andstøðu, fara vit at samstarva við so mong sum gjørligt fyri at f­áa hesar nýskipanir framd­a­r. M.a. standa vit við langt­íð­arsemjuna um fiski­vinnu, sum fyrr í ár varð gjørd við Sambandsflokkin, Javn­að­ar­flokkin og Tjóðveldi, og vit vænta sjálvandi, at hinir flokk­arnir gera tað sama.

Vegna FRAMSÓKN

Poul Michelsen, formaður