Í gjár varð kunngjørt hvørjir leikarar fara at umboða badminton á oyggjaleikunum í Gotlandi í summar. Landsliðsvenjarin, Aritra Nandy, og hjálparvenjarin, Paulo Pinheiro, hava úttikið 10 leikarar – fimm kvinnur og fimm menn.
Les eisini: Landsliðið úttikið til OYL
Onkur hevur helst longu varnast, at nýklakti føroyameistarin, Benjamin Gunnarstein, ikki er úttikin. Tað er tað ein orsøk til. Hann hevur nevniliga heilt einfalt ikki loyvi til at luttaka á oyggjaleikunum í Gotlandi.
Orsøkin er, at Benjamin Gunnarstein einans er hálvur føroyingur, og at hann í hesi syftu ikki hevur búð nóg leingi í Føroyum til at hava rætt til at umboða Føroyar. Hann hevur tó áður búð her, og hann var eisini við á oyggjaleikunum á Jersey fyri tveimum árum síðani.
Oyggjaleikalandsliðið 2017 í badminton:
Kvinnur:
Rannvá Djurhuus Carlsson, HBF/Københavns Badmintonklub
Kristina Eriksen, HBF/Ikast FS Badminton
Gunnva Jacobsen, HBF
Sólfríð Hjørleifsdóttir, VÍF
Sissal Thomsen, HBF
Menn:
Niklas Eysturoy, HBF/Skovbakken Badminton
Bartal Poulsen, VÍF/Højbjerg Badminton Klub
Hilmar Kass, HBF/Amager Badminton Klub
Magnus Dal-Christiansen, HBF
Rógvi Poulsen, HBF
