Óvæntaði kavin hevur argað ferðsluna um stóran part av landinum í morgun, og við Gøtugjógv hendi eitt ferðsluóhapp, tá ein bilur fór á glið í hálkuni.
Bilurin fór oman av vegnum og niður á eitt parkeringspláss hjá einum bilverkstaðið har. Sambært vakthavandi rullaði bilurin runt á takið og er snøgt sagt farin í knús.
- Trý smábørn og ein vaksin vóru í bilinum. Tíbetur sótu tey øll væl íbundin, so eingin mansskaði hendi, sigur vakthavandi.
Annars hevur náttin verið friðarlig og eingi størri óhapp annars í ferðsluni.
