Meðan Fimleikafelagið Ljósið í dag hevur sína tilmelding í Sankta Frans skúla í Havn, so verða tilmeldingarnar hjá Havnar Fimleikafelag í høllini á Stórheyggi næsta vikuskiftið, sunnudagin 2. september.
Fimleikurin í Føroyum er rættiliga væl fyri, og nógv eru tey, sum hava hug at royna seg.
Serliga í rútmiskum fimleiki er áhugin stórur, og støðið er hækkandi, sum úrslit í altjóða kappingum eisini ber boð um.
Fimleikur er ein vetrarítrótt, og nú summarið so smátt fer at halla, er tí hjá feløgunum at fyrireika seg upp á veturin.
Tað ger Havnar Fimleikafelag eisini, tí sum vanligt er, verður tilmeldingin til nýggja kappingarárið í høllini á Stórheyggi annan sunnudag, tá tilmeldingin fer fram millum klokkan 15 og 16.
Venjingartíðirnar verða at síggja í Sosialinum fríggjadagin 31. august, og frá hesari vikuni eisini inni á heimasíðuni hjá Havnar Fimleikafelag, boðar felagið frá.
