Suðuroyingar sleppa nú av álvara út at eta, tí forvitnisligt tiltak verður leygarkvøldið At fara út at eta er óivað mest eitt fyribrigdi, ið hoyrir stórbýnum til, meðan bygdamentanin í minni mun hevur hetta í sær, men í Suðuroynni verður nú av álvara møguleiki at eta úti.
Leygarkvøldið verður Tipi-tjaldið hjá VILT karmur um grillkvøld vesturi á Eiðinum í Vági. Tá kemur kokkurin Hallur, sum fyri tíð síðani gjørdi mat til kvinnuborðhaldi í Billardhúsinum í Vági, at venda búffum á grillini og servera saman við bakaðum epli, salati og góðum omaná.
Tipi-tjaldið hjá VILT hevur longu verið karmur um fleiri hugnalig tiltøk, og møguleikin at royna hetta er aftur leygarkvøldið.
Ætlanin er eisini at nakað av tónleiki og sangi verður á skránni, so eitt gott hugskot er at hava ?okkara sangbók? við.
Í sambandið við túnadansin í Fámjin seinni um kvøldið, so koyrir bussurin frá Tipi-tjaldiðnum kl. 00.10, og leggur leiðina norður til Fámjin.
Tekning til tiltakið fer fram hjá Vilt.
