Tað upplýsir svenska løgreglan fyri svensku tíðindastovuni TT.
- Vit fingu fráboðan um skottilburð klokkan 00.20 og kundu skjótt staðfesta, at eitt álvarsamt brotsverk var farið fram, sigur Rebecca Landberg, tíðindatalsfólk hjá løgregluni í Stokkhólmi.
- Tvey fólk eru funnin skotin í einum akfari, heldur hon fram.
Svenska løgreglan hevur sett drápskanningar í verk og hevur avbyrgt økið, har tey bæði ofrini vórðu funnin.
Ongar upplýsingar eru tøkar um kyn ella aldur á ofrunum.
Tíðindatalskvinnan Rebecca Landberg segði klokkan 02.00, at løgreglan leitar eftir einum ella tveimum gerningsmonnum. Klokkan 03.30 leitaði løgreglan framvegis.
- Eingin er handtikin, og vit leita framvegis við hundum og fremja onnur kanningarstig.
- Vit gjøgnumganga vakmyndatól, vitnisfrágreiðingar og kanna, um hýruvognsfeløg hava koyrt í nærumhvørvinum. Vit kortleggja eisini rørslumynstrið í tíð áðrenn upptøkurnar, sigur Rebecca Landberg.
Sambært TT er løgreglan trek at deila upplýsingar um málið. Tað er tí óvist, um løgreglan hevur illgruna um motiv fyri drápunum.
Järfälla kommuna liggur umleið 20 kilometrar norðan fyri svenska høvuðsstaðin.
/Ritzau/
